Bughaw ang kulay ng langit

ngunit pula ang kulay ng mga matang tumitingin dito.

*

Hindi mo mapipigil,
hindi mo mapipilit
ang mga mata kong tumingin
nang ayon sa gusto mo.

Hindi man iisa
ang hangganang ating tinitignan,
makikita mo sa dulo ng daan
iisa't-iisa lang ang kahihinatnan.

Makikita mo,
patutunayan ko
balang araw kapag
malayo na ako sa mundo mo


Tama ang desisyong pinili ko.